|
За нас
Ова е официјален вебсајт на Клубот на Планинарски Спортови „Македон“ од Скопје, Македонија.
Основачкото собрание на клубот е одржано на 02.04.2008 год. во салата за состаноци на општина Карпош. Целта на клубот е омасовување посебно со млади членови, и создавање на комплетно планинарски образовани членови, без обзир дали се бават рекреативно со планинарски спортови, или активно со намера да постигнат врвни резултати.
Структурата на членови е различна, од искусни алпинисти и планинари до млади членови со мало искуство. Просечната старост на членовите на клубот е 31 годинa. Наш најистакната член е Слободан Јованоски - Боби, член на Македонските Хималајски експедиции од 80-тите години.
Четворица од нашите членови се дел од Планинската спасителна служба при Црвениот крст на град Скопје.
Покрај во Македонската Планинарска Асоцијација, членови сме и на Спортско-качувачката асоцијација и во наредната 2009-та година планираме активно да се вклучиме во официјалните натпревари.
За планинарското образование на своите членови, КПС „Македон“ има формирано посебна комисија која организира предавања и теренски вежби, и тоа предавања после секој втор состанок на клубот, и теренски вежби соодветно со теоретските предавања.
Сите наши членови се осигурани соодветно за планинарскиот спорт со кој се бават: планинарство, алпинизам и спортско качување.
Зачленувањата во клубот се прават на редовните состаноци. Членарината за 2008-ма година изнесува 350,00 ден плус осигурување (за планинарство 50,00 денари на годишно ниво, и за алпинизам и спортско качување 180,00 денари на годишно ниво).
| |
